ᔑ 我地收二手布料啊〰️♻️🪡ᔐ
❓坊間有咁多回收桶，點解要捐俾我哋？

將衣物掉入回收桶之後，你好難有方法追蹤返自己捐嘅衫實際去咗邊度。大家一般熟悉嘅回收方式主要都係「轉送」同「轉賣」♻️我地深信舊衣物亦可以「轉化」✨透過改造舊衣物成為一件更實用更有價值嘅物品✂️我哋希望捐贈者可以實際地望住自己嘅舊衣物被轉化成獨一無二嘅布藝品🌍〰️✨

如果你都希望自己擁有嘅舊衣物透過升級改造變成更高價值嘅物品，搵到下一位欣賞佢嘅主人，或者覺得自己嘅舊衣物款式幾特別又唔想拎出去回收，想試下一種新穎d嘅捐贈渠道，都可以選擇捐贈俾我哋✨

❓你哋收完啲衫返嚟會做咩？

接收返黎嘅所有衣物會由我地進行重新設計同改造✂️✨改造後嘅產品會放返喺我地嘅網店俾大眾購買，形成一個良好嘅紡織品循環♻️

— — — — — ✄ ✄ ✄ ✄ — — — — —

♻️可以回收嘅布料：

衣物、頸巾、窗簾布、枱布、桌巾等等紡織物都得！
其他你諗到嘅紡織物都可以問吓我哋收唔收😆
✄ 不接受任何貼身衣物和非全新衛生用品（如內衣褲、床單、浴巾等等）
✄ 無彈性布料、色彩較鮮艷/格紋衣物優先
✄ 衣物狀態必須良好

😲捐完衫有咩着數？

所有捐贈者都可以獲得SikFabric Upcycle網店92折專屬折扣碼🖥️✨（折扣碼有效期為半年；每人限領取一次)

👚點樣回收？

1️⃣將希望捐贈嘅衣物/布料照片(正面+背面)透過IG dm或WhatsApp俾我地，簡述一下衣物狀況

2️⃣經過評估之後會盡快回覆你，並約定接收衣物嘅方式
✄ 提交衣物方法：① 觀塘工作室回收點 ②郵寄給我們

3️⃣提交衣物後透過訊息收到網店專屬優惠碼！🖥️✨

— — — — — ✄ ✄ ✄ ✄ — — — — —

‼️記得一定要先影相俾我哋篩選先交低舊衫俾我哋！我哋唔接受所有冇預約嘅舊衣回收！〰️